Жаңадан бастап келе жатқан инвесторларға Fingramota.kz-тен кеңестер

time 11.02.2022
aye 4595
Жаңадан бастап келе жатқан инвесторларға Fingramota.kz-тен кеңестер

Бағалы қағаздарға инвестиция сала отырып ақша табуға да, одан айырылуға да болады. Биржаның өз бұлжымас ережесі бар: кірістілік жоғары болған сайын тәуекел де жоғары. Егер сіз тәуекелге бел байласаңыз, пассив кіріс алғыңыз келсе, қаржылай қауіпсіздік жастығыңыз, сондай-ақ қосымша, бос жатқан қаражатыңыз болса, онда өзіңізді инвестор ретінде байқап көруіңізге болады.    

Жаңадан бастап келе жатқан инвесторларға кеңестеріміз:

Біріншіден, мәмілелер жасайтын сенімді әрі лицензиясы бар брокерді табыңыз. Оның лицензиясын ҚР Қаржы нарығын реттеу және дамыту агенттігінің www.gov.kz  сайтынан тексере аласыз.

Екіншіден, тәуекелдеріңіз бен шығындарыңызды бағалаңыз. Сіздің бюджетіңізге зиян келтірмейтін және моральдық тұрғыдан жоғалтуға дайын  соманы ғана инвестициялаңыз. Биржада сауда-саттық жасаймын деп кредит алушы болмаңыз!

Үшіншіден, инвестициялық стратегияны таңдаңыз. Сонымен бірге салымды жоғалту тәуекелін азайту үшін салымдарыңызды әртараптандырыңыз.

Қаражатыңызды инвестициялауға қатысты қабылданған шешімдеріңіз үшін өзіңіз ғана жауапты екеніңізді естен шығармаңыз. Брокер тәуекелдер жайында ескертіп қана қояды, ал кірістің өте жоғары болатынына және инвестицияңыздың қайтарылатынына ешқашан кепілдік бермейді. Мұндай уәдені алаяқтар ғана береді!

Толығырақ "Бағалы қағаздар нарығы" бөлімінен оқыңыздар

white-arrow Тізімге