Мамырда банкке, ломбардтарға, МҚҰ-ға қандай шаралар қолданылды?

time 18.06.2021
aye 4361
Мамырда банкке, ломбардтарға, МҚҰ-ға қандай шаралар қолданылды?

ҚР Қаржы нарығын реттеу және дамыту агенттігі 2020 жылғы сәуірден бері халықпен өзара іс-қимыл жасайтын қаржы және өзге де ұйымдардың жарнама қызметін алаяқтық және басқа да заңсыз әрекеттер мүмкіндігі тұрғысынан жүйелік мониторингтеуді жүргізеді.   

2021 жылғы мамырда «Altyn Bank» АҚ-қа қатысты жарнамасында банк лицензиясының нөмірін және осы лицензияны берген органның атауын көрсетпегені үшін қадағалап ден қоюдың ұсынымдық шарасы қолданылды.

«Сенімді Іргетас» ломбарды», «Астана Ломбард-9» ломбарды», «Пегас люкс» ломбарды ЖШС-ге, «CreditSun» МҚҰ-ға, «MyCar Finance» МҚҰ-ға қатысты ҚР заңнамасының талаптарына сәйкес келмеген шарттарды тексеру нәтижелері бойынша жазбаша ұйғарым жасалды.

«ОнлайнКазФинанс» микроқаржылық ұйымына жылдық тиімді сыйақы мөлшерлемесін дұрыс көрсетпегені үшін 145 850 теңгеге айыппұл салынды.

Агенттік ағымдағы жылғы мамырда бағалы қағаздар нарығының және сақтандыру нарығының субъектілеріне қатысты бұзушылықтар анықтаған жоқ.

Қаржы ұйымдарының жарнама қызметін мониторингтеу көздері мыналар болып табылатынын еске саламыз:

  • Агенттікке қаржы және өзге де ұйымдар ұсынған, оның ішінде Агенттіктің сұратуы бойынша ұсынған құжаттар мен ақпарат;
  • жеке және заңды тұлғалардан, мемлекеттік органдардан келіп түскен өтініштер, құжаттар мен ақпарат;
  • қаржы және өзге де ұйымдардың сайттары;
  • Facebook, Twitter, Instagram, «ВКонтакте», Telegram әлеуметтік желілері;
  • қаржы және өзге де ұйымдардың мобильдік қосымшалары;
  • теле-, радиоарналардағы, қоғамдық көліктегі, мерзімді баспа басылымдарындағы жарнама, сондай-ақ сырттағы жарнама.

Мониторинг Нұр-Сұлтан, Алматы, Шымкент қалаларында және Қазақстанның облыс орталықтарында жүргізілді.

 

Ақпарат көзі: ҚНРДА сайты

white-arrow Тізімге