"Алтын құймамен" қазақстандықтарды финпирамида баурап алды

time 3.08.2022
aye 3466
"Алтын құймамен" қазақстандықтарды финпирамида баурап алды

ҚР Қаржылық мониторинг агенттігінің Алматы қаласы бойынша департаменті Innova Gold қаржы пирамидасының қызметін тоқтатты.

Қаржы пирамидасы алтын құймалары мен құрамында алтын элементтері бар косметикалық өнімдерді сататын интернет-дүкен ретінде жасырылған.

Ұйымдастырушылар сенгіш азаматтарға күмәнді жобаларға ақша салғаны үшін, сондай-ақ клиент өзімен бірге басқа салымшыларды әкелген жағдайда жобаны ілгерілеткені үшін бонустар уәде еткен. Салынған ақша Innova Gold сайтындағы салымшының жеке шотында көрсетілген, алайда сайтты пайдаланушылар іс жүзінде өз қаражаттарын қолма-қол ақшаға айналдыра алмаған», - деп хабарлады агенттік.

Салымшылардың жалпы саны 1 300-ден астам адам, қаржы пирамидасының қызметінен келген шығын анықталуда.

Innova Gold ұйымдастырушысына қатысты екі айға дейін қамауға алу түріндегі бұлтартпау шарасы тағайындалды.

«Егер сіз немесе сіздің туыстарыңыз Innova gold компаниясының әрекетіне тап болса, сенім телефонына немесе ҚМА аумақтық департаменттеріне жүгінген жөн» деп хабарлайды ведемоство өкілдері.

Ақпарат kazpravda.kz сайтынан алынған.

 

white-arrow Тізімге