Криптовалюта – бұл цифрлық ақша, оны қолыңызда ұстай алмайсыз. Оны банктер немесе үкіметтер шығармайды. Криптовалюта блокчейн деп аталатын арнайы технологияның арқасында жұмыс істейді.

Жастарға арналған «OYLA» ғылыми-танымал журналының қаржылық сауаттылық бойынша желтоқсан айындағы арнайы шығарылымында біз криптовалюта дегеніміз не, оны қалай дұрыс пайдалану керек және қаржылық алаяқтардың құрбаны болмау үшін не істеу керектігі туралы айтып береміз. Бұл материал мектеп оқушылары үшін ғана емес, олардың ата-аналары үшін де қызықты болады!

Танымдық ақпарат, глоссарий, түрлі түсті иллюстрациялар, коллаждар – мұның бәрі жас қаржыгерлерге материалды тез игеруге көмектеседі.

Нені есте сақтау маңызды? Криптовалютаны сатып алу-сату қызықты және пайдалы болып көрінуі мүмкін, бірақ бұл үлкен тәуекелдерге байланысты. Алаяқтар да трендтерге қызығушылық танытады және баяғыдан бері криптовалютамен алдау схемаларын ойлап тапты.

Киберқылмыскерлерді балалар сияқты тәжірибесіз пайдаланушылар қызықтырады. Сондықтан фишингтік шабуылдардан сақ болу керек. Мысалы, зиянсыз болып көрінетін электрондық хаттар, телефон қоңыраулары немесе SMS, мессенджерлер арқылы хабарламалармен алаяқтар баланың есептік жазбасы туралы ақпаратты және басқа да конфиденциалды мәліметтерді сұрата алады. Фишингті тануды және қауіпсіздіктің қарапайым ережелерін сақтауды үйрену маңызды – күмәнді сілтемелерге өтпеңіз, бейтаныс адамдарға өзіңіз туралы, ата-аналарыңыз туралы, оның ішінде төлем карточкаларының деректемелері, геолокация туралы мәліметтер және басқалар туралы дербес деректерді бермеңіз.

Алаяқтар сіздің компьютеріңізге немесе телефоныңызға вирус жұқтыруы мүмкін. Сондықтан антивирустық бағдарламаны елемеуге болмайды, оны үнемі жаңартып отыру керек және егер сіз жалпыға ортақ Wi-Fi желілерінде криптовалютамен жұмыс жасауыңыз керек болса, VPN-ді қосқан дұрыс.

Кейбір платформалар 18 жасқа дейінгі пайдаланушыларға криптовалютамен сауда жасауға мүмкіндік береді. Криптовалютаны сатып алатын және сататын орын болып табылатын барлық криптобиржалар қауіпсіз болмайды. Алаяқтар кез келген сайтты оңай қолдан жасай алады. Сондықтан мұқият болу және мекенжай жолына және басқа мәліметтерге назар аудару маңызды. Күмән туындаған жағдайда, мұндай платформада тіркелмеңіз. Биржада лицензия мен қауіпсіздік сертификаттары бар-жоғын тексеріп, пікірлерді оқып, платформаның бірінші жыл жұмыс істемейтініне көз жеткізу керек.

«OYLA» журналындағы балаларға арналған арнайы жоба Қазақстан Республикасы Қаржы нарығын реттеу және дамыту агенттігінің қолдауымен Fingramota.kz қаржылық сауаттылықты арттыру жобасы аясында мемлекеттік тілде және орыс тілінде шығарылатынын еске саламыз.

Толығырақ «Балаларға арналған қосымшалар» бөлімінде оқыңыздар.